حكاية ترقيمنا في الدرجة جيم والشامتين…عبد الكريم قطاطة

….ثمّة جماعة شامتين وفرحانين قوي …طبعا اللي ضدّ الانقلاب …يخخي هذوما ما يختشوش ؟ ما يحشموش ؟ يعتبرونا حاشاكم بهايم ؟ تي شكون المسؤول رقم واحد على وصولنا لهذه الحالة المزرية ؟ هكة توة الترقيم هذا نتيجة ما بعد 25 جويلية ؟ يخخي تقتلو الميّت وتمشيو في جنازتو ؟ تقتلو شكري والبراهمي وامثالهم وتمشيو في جنازتهم ؟ 10 سنين نهب وسرقة وارهاب وفشل وتحكيو على الترقيم الجديد اللي انتوما وصلتونا ليلو …. تي اصلا انا داهش كيفاش ما رقموناش في ذيل حروف الابجدية …انتوما موش اتيتو على الاخضر واليابس ؟ انتوما موش جماعة عشرية السّواد الحالك القاتم المدمّر المخرّب وارقامكم شاهدة عليكم .. ردّ بالكم تقولو هذا واحد من انصار سعيّد …انا كنت وسابقى واضحا . في مواقفي ..تونس تستحق رئيس الف مرّة افضل من قيس سعيّد …لكن على الاقلّ هو انظف منكم جميعا وارجل منكم …. ادرك جيّدا انّو هذا غير كافي لادارة البلاد نعم …ولكن في الهمّ عندك ما تختار …. ولأنّو اليوم نهار كبير في تاريخ تونس _ دكرى عيد الجلاء _ اردّد وردّدوا معي خاتمة الياذة الكبيرة عليّة بني وطني وهي تقول …نريد الجلاء .. الجلاء .. الجلاء ..لكلّ اعداء تونس الانتهازيين الفاسدين والمفسدين …والعزّة والمجد لتونس …