حين يصرخ التلميذ التونسي : نعطيك فلوس  وتعطيني درس كامل ؟

حين يصرخ التلميذ التونسي : نعطيك فلوس وتعطيني درس كامل ؟

2 جوان، 17:00

“نعطيك فلوس و تعطيني درس كامل ؟ ” الجملة هذه نتمنى نقولها لبرشا بروفات …اليوم نحب نحكي على ظاهرة الetude الي الشهر ب 70 و 80 د و اكثر . وصلنا اليوم لمرحلة خطيرة برشا اصبح فيها البروف مستعد يعمل اي حاجة باش يلمد اكثر ما ينجم من التلاميذ لetude متاعو تعطينا الدرس من تمارين تصلح و ما قلناش ميسالش اما عديناها…تعطينا الدرس منغير ما تفسرو بالباهي ما قلناش ميسالش اما للاسف حتى الكارثة الكبيرة هذه و عدينها لكن اليوم وصلنا مرحلة جديدة ! اليوم سيداتي و سادتي اصبح الاستاذ ما يعطيش درس من اصلو . انا كتلميذ وليت الدرس ما نعرفو كان بالetude ! اي صحيح و الله لا نزيد عليكم كلمة التلميذ في الكلاس اصبح ياخذ 10٪ من الدرس فقط نعطي مثال على روحي تلميذ ثانية ثانوي اخر درس ليا في العام في الفيزيك هو الmoment في الكلاس درس كامل ما عرفت منو كان كيفاش تكون الdirection موازية و متقاطعة حاجات حرفيا لا فائدة منها + خدمنا تمرين يضحك …بمجرد ما مشيت للetude عند بروفي لقيتوا يفسر في درس اخر و قواعد اخرى كان نبقاو نهار كامل في الكلاس ما يقلناش عليهم ! الظاهرة هذه للاسف انتشرت في الفضاء التربوية و في دولة تحترم روحها و تحترم شعبها و مستقبلها الي يتمثل فينا احنا كتلاميذ يتحل الملف هذا و يقع التصدي لكل هذه الممارسات اللا شريفة من بعض الاساتذة ( مع كامل احترامي للاساتذة الشرفاء و القائمين بواجبهم و اكثر ) نتصور وقيت ناخذو درس كامل فيه كل شيء تنجم من خلالو تخدم اي تمرين . وقيت ناخذو تمارين تصلح نريفزو بيها للدفوار . وقيت البروف يفسرلنا بالباهي الدرس ختاما اتمنى التوفيق لتلاميذ البكالوريا هذا العام وكل المستويات”

منقول عن صوت التلميذ التونسي

مواضيع ذات صلة