رسالة من محبّ الى مهدي الفريخة رئيس النادي الرياضي الصفاقسي

يا سي مهدي متاكدين انك تسعى و تخدم و تجري وتجري و نعرفو مسؤولية في حجم رئاسة النادي الصفاقسي صعيبة برشا.
اما مذابينا تخرجولنا في اسرع وقت تقسيم عمل الهيئة و الادوار بين المسؤولين و كل فرع شكون باش يكون على رأسه و كل واحد ينطلق في العمل في اسرع وقت للتحضير الجيد للموسم المقبل ما نحبوش نشوف مهازل جديدة في كرة الطائرة ذكور و نحبو فريق يشرّف في كرة السلة بعد سنين إنتظار و خاصة كرة القدم نحبو نفرحو بالالقاب الموسم المقبل و يزينا من الخيبات.
مذابينا تخرج انت و الا اي مسؤول معاك في الهيئة نائب رئيس او ناطق رسمي يعطينا اهداف الفريق الموسم المقبل في كل الفروع و الوضعية المالية و يجيب على الاسئلة اللي تطرح اليوم كما شكون المستشهرين للفريق الموسم المقبل و قيمة المبالغ اللي باش يوفروهم و الممرن و الانتدابات و الوضع المالي و الخطايا و التحضيرات وقتاش تنطلق و لجنة الدعم قداش وفرت اموال و موضوع التفريط في اللاعبين و الانتدابات سواء كرة قدم او طائرة و سلة….
نحبوك تنجح لانه نجاحك و نجاح الهيئة الحالية هو نجاحنا احنا و نجاح للنادي الصفاقسي و صفاقس الكل معاكم

محبّ وفي للنادي الصفاقسي