صفاقس: المجتمع المدني يرفض مشروع الطريق التي تربط المدخل الشمالي بالمدخل الجنوبي

كل مكونات المجتمع المدني بولاية صفاقس وكل الناشطين واعضاء بلدية صفاقس يرفضون مشروع الطريق التي تربط المدخل الشمالي بالمدخل الجنوبي ….وزارة التجهيز تفرض القرار وتعطي المناقصة وتقرر الانطلاق في الاشغال …المركز وكما عهدناه يصر ويقرر ويضرب بعرض الحائط كل الاتفاقيات المبرمة بالشأن …تبقى صفاقس التهميش وتبقى صفاقس خارج البحر وتبقى صفاقس تحت وطؤة قرارت وزارة التجهيز وتعسفها على كل ما يخص المدينة لتعيش التهميش وتبكي قرارات ابنائها وتضرب كل الاستراتيجيات والدراسات المنجزة للتفرد الوزارة بالراي وتفرض قرارتها التي تتجه نحو عزل المدينة عن بحرها … لا مجال لطريق أرضية عادية تربط المدخل الشمالي و المدخل الجنوبي بصفاقس في مستوى طريق البرط ..نقدم الحكاية بالفلاقي : ,فما طريق حزامية سريعة جديدة تربط بين طرفي صفاقس الشمالي سيدي منصور و الجنوبي طينة (الطريق الي بالاصفر في الصورة) ..باهي الربطة بيناتهم الزوز وين باش تصير ؟ باش تكون من مستوى الخروج من تبرورة وراء محطة القطار حتى توصل لمحطة لود قرقنة مرورا ببرط صفاقس (1.3 كم) ..الاشكالية هوني انه اذا باش يصير طريق سريع عادي في باب بحر, فانه باش يفصل المدينة نهائيا عن البحر, هاك علاش تم اقتراح حل نفق بطول 1.3 كم و وافقت عليه الدولة و توا رجعت في كلامها و اعلنت عن طلب عروض في طريق عادية ..الطريق هذه ما تنجمش تكون غادي, لازم يصير نفق الي هو الحل الوحيد ..البلدية رفضت باش يصير طريق, كيف كيف برط صفاقس رفض, المجتمع المدني رفض و طالبو باش تصير قنطرة او نفق.. و لكن وزارة التجهيز مازلت تصر باش يصير طريق ارضي ..هذا الطريق يضرب مشروع المرفأ السياحي ونعني كرنيش شط القراقنة يعني نودع المشروع …هذا الطريق يرسم حدود صفاقس ويعزلها على البحر ويضرب مشروع البرط السياحي وفتح الشوارع على بحرها …هذا الطريق ينهي مشروع تسجيل صفاقس في التراث العالمي وعلاقة صفاقس التاريخية مع بحرها …هذا الطريق يقتل مشروع فتح صفاقس على مشروع تبرورة وينهي الخاصية …هذا الطريق هو قتل المدينة وضرب كل التصورات القادمة وضرب كل هياكل المجتمع المدني ومقتراحتها منذ سنين الى اليوم …هذا الطريق يقتل الميناء التجاري ويضرب الحركة التجارية بصفاقس ليحول الميناء الى مستودع حاويات لا غير يعني دبو حاويات ولا دخول بواخر ولا خروجها …يبقى المركز هو الفاتق والناطق ولا زال يحكم في تصورات الجهات …المركزية ةوتهميش صفاقس …نفس الوجوه لازالت تسير الوزارات وتخطط من اجلنا ولا نملك القرار …

رياض