صفاقس وهذا أسلوب جديد للتحيّل

يبدو أن البعض صار يتفنن في ابتكار طرق التحيل ونهب أموال الناس بالباطل فبعد حكاية بائع الهواتف الجوالة المضروبة يطل شاب آخر لا يقل دهاء عن الاول وإليكم ما تداوله نشطاء على شبكة التواصل للتحذير منه :

“نوع من أنواع التحي لجاني السيد ……. قالي كرهبتي معدومة و ما عنديش espèce تنجمشي تعاوني. قتلو كيفاش نعاونك ؟ قالي نقضيلك قضية و نخلصهالك بالكارت و أنت تعطيني espèce.

قتلو والله ما عنديش قضية. قالي عندكشي أي حاجة نخلصهالك بال TPE. قتلو لا ما عنديش. في الأخير قالي نبيعلك سلسلة مرتي.

قتلو سامحني خويا ما نشريش. ياخي قالي تقطعت الرحمة!!! و اليوم نفس السيد جاء لولد خويا في طريق المهدية و حكالو نفس الموال… السيد يحوم في صفاقس كاملة و عاملها صنعة.. ردوا بالكم و اللي يجي قدامو الخامج هذا يبلغ عليه…”