كرهت الكورة…حاسم كمّون

كرهت الكرونيكورات متاع الكورة… كرهت التقفيف والتطبيل… كرهت الجهويات والهوليغانيسم… كرهت التنمر والشماتة… كرهت عقلية “رابح اليوم… ملك العالم، وخاسر غدوة… ما يسواش شي”.
كرهت كيفاش ولى كل واحد قاضي وجلاد وخبير ومحلل في نفس الوقت… وكرهت أكثر حاجة: الكبرياء وقت الربح، وفقدان التواضع وقت الاختلاف.
الفايسبوك ولى فضاء للتشنج أكثر من الحوار… للصراخ أكثر من النقاش… وللتصنيف أكثر من الفهم.
والأخطر من هذا الكل، أنو الفايسبوك ما عادش مجرد منصة… الفايسبوك ولى مرآة للمجتمع.
كي تشوف العنف اللفظي، الجهوية، الشماتة، والتخوين في التعليقات، تفهم اللي المشكلة ما هيش في الكورة… المشكلة فينا كيفاش ولى الاختلاف عداوة، والرأي المخالف جريمة.
الكورة لعبة… والفرق مجرد ألوان… أما الأخلاق، والتواضع، والاحترام، هاذم هوما اللي يبقاو.
أما اليوم، بصراحة… موش الكورة اللي تعبتني… اللي تعبني هو المشهد الكل.