كلّ حاكم ينجّم يتحوّل الى مستبدّ….نزيهة رجيبة

في تدوينة لها على صفحتها الخاصة قالت الاعلامية نزيهة رحيبة : “برشا من مواطنينا ومواطناتنا يتلخص سبب مساندتهم للرئيس في كونو رتحهم مالنهضة وبعد هذا ينجم ياخذ وقتو ويعمل اللي يحب…. ومنهم عدد لاباس بيه يجن جنونهم كي يشوفو شكون يستعجل في خروجنا من الوضع الاستثنائي و يعبر على مخاوفو من عودة الاستبداد هاذم ينجموا يكونوا ناس موش عايشين في البلاد والا كانوا عايشين فيها حياتهم اما مطفيين الضوء في أمور ظلم وتعدي على الحريات ..

وهاالزوز طوائف عندهم جهل والا تجاهل مشترك لكيفية ولادة ونمو الاستبداد وعموما يربطوه بشخص المستبد واستعدادو الطبيعي باش يصير دكتاتور وهوما طبعا ينزهوا السيد قيس سعيد عن الشي هذا…غالطين على طول الخط وعلى عرضو زاده… .

الاستبداد عندو في هاالبلاد عروق ممدودة من قديم الزمان وكلها تتحين في الفرص والشخص المناسب اللي يعطيها فرصة النمو والازدهار من جديد والالتفاف من جديد على اعناق الناس وخنقهم …وخاصة الالتفاف على هاالشخص هذا وجرو لمستنقع الدكتاتورية وهو يعتقد انو يعمل في حاجة باهية وفي مصلحة البلاد والعباد كل حاكم ينجم يتحول الى مستبد كي ما يلقاش قدامو سلطة_مضادة …..”