صفاقس – قرقنة : شويّة ريح …تتعزل على العالم

الى متى سيبقى القراقنة والصفاقسية يعانيو هالمصيبة ؟ شوية ريح يا عباد ربّي يقعد القرقني في دارو ويتعزل على العالم ..والقرقني الي في صفاقس اما يبات في المحطة او في دار صحيّب والا واحد مالعائلة ..

وبرّا عاد المريض والي يلزمو عملية والا تدخل عاجل نقولو عليه الله يرحمو في انتظار توفير طائرة هيليكوبتر توصلو لمستشفيات صفاقس

سنوات وسنوات والجزيرة تعاني الشيء الي خلاها ما تكونش قطب سياحي كبير وكيفاش يمكن تكون قطب سياحي وهو معزول على العالم …يا دولة اعملوا مطار صغير في قرقنة يسير رحلات جوية بين صفاقس وقرقنة في انتظار جسر يربط يابستي صفاقس وقرقنة …

ممكن تضحكوا علي لكن يبقى حل معقول ويمكن تنفيذو بسهولة ومالا كان قلتلكم اعملولنا غواصة بين صفاقس وقرقنة ؟؟؟ والا ما نعرفوا قرقنة كان وقت الشوابي والشرافي والقرنيط ؟

حافظ كسكاس