مهاترات صائم :   ” إنتبه بوبالة وضع القناع إجباري “

مهاترات صائم : ” إنتبه بوبالة وضع القناع إجباري “

23 افريل، 18:00

يا سيدي بن سيدي اليوم ماشي نحكيلكم شويّة على الحاويات … وهي عادة ما تحوي الزبلة باش تحميها من التشتّت وعامل النظافة ما يتعبش في لمّانها … يا سيدي الحاويات هاذي حتى عون التنظيف ما عادش ينجم يقربلها ,, اللطف ياربي ريحة الكوليرا تشمها من بعيد .. يا سيدي لواحد يغمض عينيه ويمشي يعرف هو وين بريحة البوبالات برك .. كل حاوية إختصاصها ونوعية زبلتها … شنيّة الحكاية ؟ شبيه عملو الريحة ؟ يا سيدي في الخارج والله البوبالة يستطاب فيها العيش ( للقطط طبعا) ما تشم حتى ريحة وما تعرف ثمّة بوبال كان كيف تشوف جماعة التنظيف يفرغو فيها أم إحنا في صفاقس قريبا ستجبر البلديّة على تركيز لافتات تحذير وتنبيه وتكتب عليها : إنتبه بوبالة وضع القناع إجباري “
يا والله حوال وين وصلنا بجهلنا وبإضراباتنا ومطلبيتنا ,, الناس الكل ماشي في بالها ثورة عندها ضرع والكل يرضع

مواضيع ذات صلة