مهاترات صائم : خوذة لله يا محسنين

والله شيء ينطق في هالبلاد …الفيروس هلكنا والفقر بدّع بينا …ورمضان دوّخنا …ونوابنا هبلونا طلعات …وحيد ما شاء الله حالل حرب على الرئيس ..وحيد اخر لاهي يشري في الاراضي …واخر طلعة النائبة الي انتخبها جزء من الشعب وطلعتلنا بطلعة الخوذة …انا ما يهمنيش اش تلبس والا اش ما تلبسش لكن يا فضيحتنا قدام العالم … الظاهر الحجر يحوس في المجلس ونائبتنا المحترمة كايفة لا يدمغوها