مهاترات صائم : قهاوي إختصاص ” مفطرين “

ياسيدي اليوم ماشي نحكيلكم على القهاوي ذوات الإختصاص ينعم سيدي إختصاص رمضان هو إيواء المفطرين في وسط هالقهاوي وتقديم القهوة والدخان والسندويتش يا سيدي بالحرام تشم ريحة الدخان على بعد ميتين ميترو وبرّ عاد مسكين إلى ضرب السيقارو في راسو وآش ما زال يحلها … يا سيدي هالقهاوي وحسب ما بلغني شمايتيّة الطاريفة بقدرة قادر تبدلت والاسوام الكل طلعت ولكن موش مشكل الفايدة عند الفطّار ” إسترني ” وخوذ إلى تحب وتشوفهم خارجين مالقهوة بعد ما يعملو تلفيتة للياسار واليمين باش ما يشوفهم حد ..باهي نقولو الناس الكل عماهم ربي وما شافوهش أما الي ما ينام الليل وين هاربين منّو ؟؟؟ والخطير العباد فوق بعضها لا تباعد ولا هم يحزنون ووقت تجي تنصحهم يعملوا فيها مساكن وضعاف وبرّ عاد اش يحزها يا حقوق الانسان يا اذاعات بجاه ربي انتحروا بعيد علينا راهو الي فينا مكفينا