مهاترات صائم : ماشي نكمل نصوم رمضان في مملكة اتلنطس

وانا كيف البهلول نسمع ونتبع في حكاية مملكة اتلنطس وهي مملكة افتراضية لا أرض لها ولا علم.. اتباعها منتشرين في العديد من البلدان.. للمملكة حكومة ورئيسها مقيم في تركيا.. والانضمام لها لا يكون الا وفق تحريات مدققة….. وان الملك مستثمر كبير وثري جدا وجوال حول العالم… الكلمة هاذي شدتني كلمة ثري جدّا ومع انا ما نحيتش زرصة الطمع قلت نقصد ربي ونعدي ايامات رمضان في خير هالملك ورخاء هالمملكة… ومادام الحكاية افتراضية غمضت عيني وقلت نعمل سفرة ونرتاح منهالجماعة الي دايرين بي واللطف دوب ما غمضت عيني جات قدامي عبير موسي ومالفجعة قمت نجري عثرت في ساق المدام وانا نعيط عبير لا.. عبير لا… الحاصيلو هاني هالايامات ضيف في دار خويا والمدام قالتلي ما ترجع كانما نفهم حكاية عبير معاك شنية.

حافظ