ناقصة قفلة باهية فقط ….عبد الكريم قطاطة

تصريحات وزير النقل حول مطارات تونس وخاصة مطار تونس قرطاج اللي نزلو فيه عبدالحليم وام كلثوم وقت جاو لتونس وتشبث المسافرين بيه تبرّكا بالمرحومين وبالاحصائيات زادة اثارت ردود فعل كثيرة .. الحقيقة انا ذكرتني بعادل امام في مسرحية شاهد ما شافشي حاجة وهو شادد الصفّ باش يخلّص فاتورة التلفون وخايف لا يشيلو العدة ثم في الاخير طلع ما عندوش تلفون .. يبدو انو وزير النقل طلع من سلالة عادل امام ومن سلالة شاهد ما شافشي حاجة زادة لانو عبدالحليم وام كلثوم وقت جاو لتونس مطار تونس قرطاج وقتها وزارة النقل مازالت تتوحم بالمطار ومازال ما تولدش ..الفازة متاع وزير النقل ماهياش خايبة اما ناقصتها قفلة ..مادامو طاح لمصروف التاريخ حقو يتنهد تنهيدة طويلة بعد فازتو ويقول ..وقتها كانوا عندنا وزراء وعليهم الكلام موش كيف هالسيد اللي لا عارف كوعو من بوعو ويهتري ..ثمّ يختمها ب _ اغمن عليّ اغمن عليّ .. يمّة عليك يا صفاقس ويا تونس _ 21 افريل 2026