هل تريد الحكومة فكّ عزلتها انطلاقا من صفاقس ؟

هل اصبح ملعب الطيب المهيري وليا صالحا وين ما يجينا مسؤول او وفد نعملولوا زيارة ؟ * مشروع الميترو مثل “الكتف اللحم ” الي يتصدق للمحتاج في العيد يتفكروه من العام للعام*مشروع المكتبة الرقمية كقضية الطلاق بالضرر في تونس نعملوا الف جلسة صلح و امشي و ايجا قبل ما نطلقوا .*مشروع تبرورة و هذه على قصة اهل الكهف نرقدوا نرقدوا و نقوموا على وضعية “الي ردمناه تو نحفروه ” .*المدينة الرياضية ” بانادول اكسترا ” لتهدئة اوجاع الصفاقسية.*هو ” مصب الزبلة ” و حاروا فيه.و على فكرة أعضاء الوفد الحكومي(هذا اذا مازالت فمة حكومة) الي جاونا و داروا داروا داروا أغلبهم كانوا مسؤولين في صفاقس

هذا ما دوّنته الناشطة والعضو البلدي راوية عميرة لتصوّر به حقيقة ما يحدث مع صفاقس وحقيقة العشق الممنواع بين صفاقس وحكومة المشيشي حب ظاهرة الاعتناء بصفاقس وباطنه فكّ العزلة عنها انطلاقا من صفاقس لان صفاقس كما هي في الانتخابات ملجأ كل الاحزاب يبدو ان المشيشي فهم اللعبة ووجه اسلحته لصفاقس فهل ستنجح خطّته ؟ سنرى ذلك عند تنفيذ اول المشاريع في صفاقس اي مشروع لا يهم رغم ان كل هذه المشاريع بلغت عتيا من العمر ولا نظن انها ستستجيب لجرعات الاوكسيجين التي يريد المشيشي ضخها .

حافظ