يا وديع يا وديع فيق على روحك ماشي تضيع…عبد الكريم قطاطة

يا وديع يا وديع فيق على روحك ماشي تضيع…عبد الكريم قطاطة

29 سبتمبر، 17:34

مصادر متعدّدة تقول انّ هلال الشابة ربح قضيّته في التاس والتي بمقتضاها سيعود هلال الشابة للرابطة المحترفة الاولى في كرة القدم … اذا صحّت هذه الاخبار فانّ الوديع وازلامه ماشين يدخلو في حيس بيس .. شنوة ماشي تعمل مع جرجيس والمتلوي والافريقي _ باعتبارهم اطراف في النزاع ؟؟؟ شنوة ماشي تعمل مع الترتيب النهائي للبطولة ؟؟ تي راهي قربلّة ماشية تتحلّك .. المرّة هذي يا وديع موش كفّ المرة هذي ضربةبونية في الملاكمة تتسمّى ايباركيت _ اذا ما عندكش فكرة عليها اسأل فورمان على الضربة القاضية من عند محمد علي …وقتها لا سيدي محرز ولا سيدي بوسعيد ولا بلحسن الشاذلي ينفعوك يمّة عليك يا وديع المكشّر مشّاك في ثنية صعيبة عليك ..اذا الخبر صحيح المكشّر رئيس هلال الشابة حبّ يفوّحلك الخمسة متاع البرازيل ..زيد عيّن السالمي متاعك لمقابلة الترجي والنادي الصفاقسي ..زيد اغرق ..زيد فرعن ..زيد ازرع الاحقاد بين الفرق والجهات ..يعمل الله بعد كأس العالم ..توة ملفاتك الكلّ تتفتح سواء كان خبر انتصار المكشر والشابة عليك بالتاس صحيح او غالط …وامام القانون تجتمع الخصوم …

مواضيع ذات صلة