بعيدا عن النفاق الاعلامي متاع باااااااارشة جماعة … عبد الكريم قطاطة

انا كمحب لكرة القدم _ لاعب هاو ..ومسؤول .. وعاشق لكرة القدم … ثمة زوز ماتشوات ما نتفرجش عليهم بالكلّ … اعصابي لا تتحمّل .. احيانا … وهذي صارت برشة مرات .. ندخل للمهيري وبعد 5 دق نخرج معناها نهرب ونقعد ندور في الشوارع والانهج وندخل للقهاوي فقط نشوف النتيجة ونخرج …اي نعم هذا انا وهذه واحدة من نقاط ضعفي وما اكثرها .. انا ما نحبش فريقي السي اس اس يخسر مع الترجي . .. يربح نولّي نشطح .. يتعادل .. نقول موش مشكل … اما يخسر نتكبّ نرقد . والماتش الثاني اللي ما نحبش نتفرّج عليه هو ماتش الريال وبرشلونة … كيف كيف ما نتحملش الخسارة امام البارصا .. وعلى فكرة جلّ زملائي في العاصمة يعرفو مواقف عبدالكريم ..وعمري لا خبيتها .. عاد الله خير اذا نخبّي مثل قناعاتي .. وقتها صدقوني لا عاد انجم نحترم روحي .. مقابل ذلك احترم كل انصار الالوان الاخرى .. هاكة حقهم الشرعي تماما مثل حقوقي انا .. وعاش السي اس اس شامخا رغم كلّ الناس اللي يكرهوه لله في سبيل الله … 29 اكتوبر 2026 ..