يا صحافة ويا مواقع الكترونية ، انتبهوا قبل ما تنشروا اي خبر …ذاكر الايهيذب

يا صحافة ويا مواقع الكترونية ، انتبهوا قبل ما تنشروا اي خبر .
راهو خبر وفاة التلميذ في مدرسة القصرين خطير جدا .
راهو الطبيب الشرعي ما يعطيش رأيه من اللحظة الاولى ويعمل ساعات عمل باش يعطي تقرير ، وانت على بعد مئات الكيلومترات تحب تشعل حرب بين العائلات وتحب تحرق قلب عائلة المتوفي وتقضي على تلميذة حكمت عليها محكمة الفايسبوك بأنها مجرمة .
ارزنوا شوية راهو صغير كيف يتوفى ، يحتمل ب rupture d’anévrisme cerebral نزيف دماغي حاد او تشوه في القلب cardiopathie congénitale غير معروف ، او ازمة ربو حادة crise d’asthme sévère .
ولهذا فكروا شوية في العائلات قبل نشر اي خبر من هذا القبيل , والاهم حاليا هو الاحاطة النفسية ببقية التلاميذ الي حظروا على حالة وفاة زميلهم .