![أولياء غاضبون من وزارة التعليم العالي : راهم أولادنا بش يضيعوا](https://journalistesfaxien.tn/wp-content/uploads/2021/07/وزارة-التعليم-العالي-.jpg)
أولياء غاضبون من وزارة التعليم العالي : راهم أولادنا بش يضيعوا
السلام علیکم ..انا و برشا أولياء تفاهمنا نهبطوا الستاتي هذي هنا خاطر نعرفوا الي القروب هذا ينجم يمثل صوتنا .. احنا تو خایفین لنضيعوا اثمن حاجه عند الوالدين والي هيا مستقبل أولادنا إلى وزارة التعليم العالي تحب تضيعوا بقرار تتخذوا في الدقيقة التسعين ..ايا سيدي احنا ماصدقنا صغيراتنا نجحوا في الباك وبما أنو برشا ما خلطوش على توجيه يضمن ليهم مستقبلهم قلنا نعملوا من الضعف قوه ونسجلوهم في الجامعات الخاصه.
بش يقرأو علوم التمريض..وفعلا كان الأمر هكا ودفعنا الفلوس بمبالغ متفاوته بالاضافه الى معاليم الترسيم ..وبرمجنا رواحنا احنا وصغيرانتا على التوجه هذا ..ما راعنا كان في آخر لحظه تهبط الوزاره قرار بالي الي متحصلين على شعب معينه من البكالوريا مبعد مايكملوا قرايتهم الي هيا 3سنين الشهاده الي باش يأخذوها من الجامعه الخاصه ما عندها حتى قيمه خاطر سي الوزاره قررت موش بش تعطيهم المعادلة يعني تعب وشقاء وفلوس وسنين مالعمر يمشوا حرام..القرار هذا الوزاره قالت عليه عندها سنين وكل عام الطلبه يسجلوا ويقروا وياخذوا المعادلة من عند الوزاره والعام هذا يجونا في شهر سبتمبر بعد ما كل ايد شدت رجلها ويهبطوا القرار هذا الي هوا أصلا ماعليشوا تصحاحة الوزير ..وبعد مالاولاد ضاع عليهم التوجيه خاطر سجلوا في القرايه هذي..حتى الكراء كرينا ودفعنا الضمد والمسبق…هذا علاش نحب نقدم نداء للسيد رئيس الجمهوريه ..با سید الرءيس مستقبل أولادنا قاعدين يتلاعبوا بيه براي شوف لينا حل راهم أولادنا بش يضيعوا