لكلّ محبّ للغالية السي اس اس…عبد الكريم قطاطة

لكلّ محبّ للغالية السي اس اس… شكون منّا ما يحبّش ترجعلنا الايام الزاهية ؟؟ شكون منا ما يحبش هاكي الهبة الجماهيرية امام قصر البلدية والغالية ترجعلنا بلقب ؟؟ شكون منا ما يلقاش روحو يغنّي ساعات من غير ما يشعر مياموري ؟؟ شكون منّا ما يحلمش بالشمبيونزليغ بعد الجلطة الكروية سنة 2006 ؟؟ من حقّ كل محب انو يحلم بجمعيتو تسترجع ايامها الباهية خاصة ونحن الان مقبلون على عهد جديد ..هيئة مديرة جديدة …وتحظى بثقة الاغلبية ..ممرن جديد ويحطى باجماع الناس اللي تفهم في الكورة . وكذلك .ان شاء الله اخبار تبشر بكل خير حول عديد الانتدابات … نعم هذي حقوقنا جميعا كمحبين ولكن عندنا زادة واجبات ..لعلّ اهمها الاشتراك في سوسيوس ..اي نعم حلّ ناجع للغاية … انا قريت اقتراحات قدمها احد الاحباء _ عادل عبدالهادي _ وشفت فيها برشة منطق ومن ضمنها حملة اعلامية تحسيسية للمساهمة في سوسيوس ..وها انا البّي طلبه واساهم بهذا القسط المتواضع في تحسيس كل من له ثقة فيّ كاعلامي وكمحب للعنكوش للكحلة والبيضة .. بارتاجيو هالتدوينة على صفحاتكم والاهم شاركوا وشجعوا على المشاركة في سوسيوس ..والمجد والعزة ليوفي العرب