رسالة مضمونة الوصول للسيد منير اللومي رئيس بلدية صفاقس…خليل المرداسي
في كل مرة تقدم لنا الدليل و بمحض أرادتك أنك أنت هو أصل الداء و أصل المشكل بمدينة صفاقس.
آش عملت لصفاقس مللي شديت رئيس بلدية خلافا للمكتب و للسيارة اللي انت متمتع بيهم .
العبرة بالنتائج و نتائجك هي صفر على اليمين و صفر على الشمال حسب ماهو موجود على أرض الواقع.
خلافات متعددة داخل فريق العمل متاع البلدية.
بلاد غارقة في التسيب البلدي دون ردع و لا رقيب ( كل يوم يتم بناء كشك جديد علي حافة الطريق ).
إنارة منعدمة بمختلف الأنهج ( في قلب مدينة صفاقس أعمدة كهربائية متساقطة ).
مشاريع يتم انجازها دون رؤية و لا تنسيق مسبق ( سوق الخضار بالربط أبرز مثال )
أما بالنسبة للزبالة فحدث و لا حرج و هي تعتبر البطاقة الرابحة اللي تناور بيها و تستعملها كلما اقتضت الضرورة لذلك .
بمجرد تركيز والي جديد لصفاقس وقتها تذكرت بقدرة قادر أن المصب الحالي تجاوز طاقة الأستعاب و أصبح يمثل خطر على العمال و على المتساكنين و على الشريط الساحلي .
رب عذر أقبح من ذنب.
حتى و لو أن الجميع متأكد من الوضعية الكارثية للمصب القديم المحاذي للميناء فأن ذلك لا يبرر و لا يعلل و لا يفسر و لا يشرع لغلقه بمجرد تعيين والي جديد لمدينة صفاقس خاصة و أن هذا المصب هو الحل الوحيد حاليا لتخزين الزبالة .
سوء النية ثابت و العمل للمصلحة الشخصية و للحزب اللي أنت تنتميلو واضح و لا غبار عليه.
سي منير اللومي رئيس بلدية صفاقس أتقي الله في الأمانة اللي هي بين يديك ، أتقي الله في المواطنين اللي من المفروض انت في خدمتهم لا في نقمتهم .
و إن لم تستحي ففعل ما شئت
مواضيع ذات صلة
